«Соғыс және бейбітшілік» романы үздік туынды деп танылды

МӘСКЕУ. Шілденің 8-і. ҚазАқпарат - Лев Толстойдың    «Соғыс және бейбітшілік»  романы Newsweek  журналының  нұсқасы  бойынша   барлық    дәуірдің  және  барлық   халықтардың   үздік  туындылары  болып табылатын  100  кітаптың  тізімінде  бірінші  орын  алып  отыр, 

 деп хабарлайды ҚазАқпарат  Utro.ru сайтына  сілтеме  жасап.

 Алғашқы  ондыққа сондай-ақ, Джордж Оруэллдің  «1984»,   Джеймс Джойстың  «Улисс»,    Владимир  Набоковтың «Лолита»,   Уильям Фолкнердің  "Шу   мен  ашу", Ральф Эллисонның "Көрінбейтін  адам",  Вирджиния Вульфтың "Маякқа", Гомердің  "Илиада" және "Одиссея", Джейн Остиннің  "Мақтаныш  пен  қате  түсінік",  Данте Алигьеридің  "Құдіретті  комедия"   кітаптары кірген.

 Бұл тізімді     жасауда  кітаптың   тарихқа  әсері,  оның әлемдік     мәдениетке  деген  зияткерлік  үлесі,   кітаптың  қазіргі замандағы    маңызы,    оның   оқырмандар арасындағы    танымалдығы сияқты факторлар  ескерілді.