«Сокол» футбол командасы мінген ұшаққа жай түсті
АСТАНА. 4 наурыз. ҚазАқпарат - Саратовтың «Сокол» футбол командасы мінген ұшаққа жай түсті. Бұл туралы клубтың өкілі хабарлады, деп жазады Утро. ру.
Команданың өкілі журналистерге мәлім еткендей, 24 ойыншы чартерлік рейспен оқу-жаттығу жиынына Мәскеуден Түркияға ұшып бара жатқан. Кеше кешқұрым ұшақ жерге қонар кезінде әуелайнердің корпусына электр разряды тиді. Абырой болғанда ешкім зардап шеккен жоқ.
