Солтүстік Қазақстан облысында түрмеде жазаларын өтеп жүрген 30 адам өз өздеріне қол салған
АСТАНА. Шілденің 22-сі. ҚазАқпарат /Жасұлан Аманбайұлы/ - Солтүстік Қазақстан облысының Горный елді мекенінде орналасқан ЕС-164/4 түзету мекемесінде жазаларын өтеп жүрген 30 адам өздеріне қол салған. Олардың 6-уы ауруханада жатыр. Бұл туралы бүгін апталық брифинг барысында Әділет министрлігінің ресми өкілі Ерболат Ерімбет мәлім етті,
деп хабарлайды ҚазАқпарат.
Шілденің 21-і күні орын алған оқиға кезінде сотталғандардың 30-ы өз өздеріне қол салған болатын. Сол күні ақ 13 адам ауруханаға жатқызылған. «Қазіргі кезде барлығы тұрақтандырылып, олардың денсаулықтары қалыпты деп бағалануда», дейді Е.Ерімбет.
Қазіргі уақытта олардың 7-уі ауруханадан шықты. Қалған 6-уы әлі де болса дәрігерлердің қарауында.
«Басты себеп - түрменің ішкі тәртібіне наразылық таныту болып отыр», деп атап көрсетті ресми өкіл.
