Солтүстік Қазақстанда 100 әйел полицейге наградалар мен шендер табыс етілді
АСТАНА. ҚазАқпарат - Солтүстік Қазақстан облыстық ішкі істер департаментінде 8 наурызға орай әйел полицейлерге наградалар мен шендер табыс етілді, деп хабарлайды ҚазАқпарат.
Аталған ведомствоның баспасөз қызметі таратқан ақпарат бойынша, мерекелік бұйрыққа сәйкес 100-ге жуық әйел марапатқа ие болған.
«15-і ҚР Ішкі істер министрінің бұйрығымен ынталандырылды. Өңір басшысы Құмар Ақсақаловтың құрмет грамотамасымен ІІД Жергілікті полиция қызметінің бөлімше бастығы Эльмира Абушева марапатталды. СҚО ІІД бастығы полиция генерал-майоры Берік Біләлов 60-тан астам қызметкерді ынталандырды. 19 қызметкер кезекті офицерлік шен алды. Ішкі істер департаментіде жұмыс істейтін барлық әйелдер 8 наурызға сыйақы алды», - делінген таратылған ақпаратта.
Мерекеге арналған салтанатты жиын СҚО ІІД ұжымының ер-азаматтары дайындағын концертпен аяқталды.
Айта кетерлігі, бүгінде солтүстікқазақстандық полицияда 536 әйел қызмет етеді. Оның 393-інің офицерлік және сержанттық шені бар. Полиция полковнигі шені бар 3 әйел басшылық қызмет атқарады. Ішкі істер органында 28 подполковник, 103 майор әйел бар. Басшылық қызметтегілердің саны - 13 әйел.
