Солтүстiк Қазақстанда алтын өндiру біршама ұлғайды

ПЕТРОПАВЛ. ҚазАқпарат  - Жұмыс бабымен Есiл ауданына барған СҚО әкiмi Құмар Ақсақалов «Әулие Голд Майнинг» серiктестiгiнiң алтын өндiру кен орнында болды, деп хабарлайды өңір басшысының баспасөз қызметі.

 Ресейлiк компания алтын өндiрудi 2015 жылға қолға алды. Осы күнге дейiн 100 мыңнан тоннадан аса кен өндiрiлдi. Алайда тиiстi көрсеткiштерге қол жеткiзiлмегендiктен инвестор технологияны жаңарту жұмыстарын жүргiздi. Компания басшылығы өндiрiстi 130 мыңнан 600 мың тоннаға дейiн өсiрудi жоспарлап отыр. Бұл межеге 2018 жылы қол жеткiзiледi деп күтiлуде.

Өңiр басшысы алтын өңдейтiн кәсiпорынның облыс экономикасы үшiн үлкен маңызға ие екенiн атап өттi.

«Өндiрiс толық қуатына шыққан кезде өндiрiс процесiне 250 адам тартылады. Бюджетке 400 миллион теңгеден аса қаржы құйылмақ. Бұл жобаның әлеуметтiк маңызы да бар. Жұмысшыларды осы маңдағы елдi мекендерден алу қажет», - деп атап өттi Құмар Ақсақалов.

Айта кету керек, аталмыш жоба индустрияландыру картасына енгiзiлген.