Солтүстік Қазақстанда бензин өткізушілердің бағалық сөз байласуы тергелуде
ПЕТРОПАВЛ. ҚазАқпарат - СҚО-да «ҚазМұнайГаз өнімдері» ЖШС, «Гелиос» ЖШС, «Солтүстік отын компаниясы» ЖШС-ға қатысты тергеу басталды, деп хабарлады «ҚазАқпарат» ХАА тілшісі Табиғи монополияларды реттеу және бәсекелестікті қорғау департаментіне сілтеме жасап.
Тергеуге негіз - ҚР Кәсіпкерлік кодексінің 170-бабы 1-тармағы 1-тармақшасын бұзу белгілері - нарық субъектілерінің бәсекелестікке қарсы келісілген іс-әрекеттері.
«Субъектілердің алдын ала ақпаратына сәйкес департамент «ҚазМұнайГаз өнімдері» ЖШС, «Гелиос» ЖШС, «Солтүстік отын компаниясы» ЖШС 2016 жылғы тамыз бен 2017 жылғы қаңтар-наурыз аралығы кезеңінде АИ-92 мен дизель отынына бірнеше рет бағаны көтергендігін анықтады. Тергеу үш ай ішінде жүргізіледі», - деді департамент басшысының орынбасары Наталья Шаяхметова.
ҚазМұнайГаз өнімдері» ЖШС, «Гелиос» ЖШС Астанада мен тиісінше Алматыда тіркелген. Республика бойынша тергеу мен жиын тіркелген орын бойынша жүргізіледі. Департамент СҚО бойынша ақпаратты береді.
