Солтүстік Қазақстанның диқандары астықты ауа райының қиын жағдайында жинауда

ПЕТРОПАВЛ. Қыркүйектің 4-і. ҚазАқпарат /Сергей Кузнецов/ - Қазіргі уақытта Солтүстік Қазақстанның диқандары астықты ауа райының қиын жағдайында жинауда.

Бейсенбі күні  Петропавлда болып өткен селекторлық жиналыста Солтүстік Қазақстан облысының әкімі Серік Біләлов орақ науқанын жүргізудің тәсілін өзгертуді ұсынды.

«Әр алқаптың егінін жеке жинау керек. Сонымен қатар, шаруа қожалықтарындағы барлық алқаптардың тұрақты мониторингін жүргізу қажет. Қолда бар техникаларды барынша тиімді пайдалану және ең бастысы жұмылдыру керек», - деп атап айтты аймақ әкімі.