Солтүстік Осетияда лаңкестік әрекетті ұйымдастырушылар туралы мәлімет үшін миллион рубль сыйақы тағайындалды

АСТАНА. Қыркүйектің 14-і. ҚазАқпарат - Солтүстік Осетия өкіметі қыркүйектің 9-ында Владикавказдың орталық базарындағы лаңкестік әрекетті жасауға қатысы бар тұлғалар туралы мәліметтер үшін 1 миллион рубль көлемінде сыйақы тағайындады. Бұл туралы «Балтинфо» ақпарат агенттігі хабарлап отыр.

Республиканың барлық бұқаралық ақпарат құралдарында осындай хабарландыру орналастырылды. Қандай да бір мәлімет білетін азаматтарға Федералдық қауіпсіздік қызметінің және Солтүстік Осетияның Ішкі істер министрлігінің сенім телефондарына хабарласу туралы өтініш жасалуда.