Сомалиде аштықтан 260 мың адам қаза тапқан - БҰҰ

АСТАНА. 4 мамыр. ҚазАқпарат - БҰҰ Сомалиде 2010-2012 жылдары аштықтан қаза тапқандардың нақты тізімін жариялады.

Басым бөлігі 5 жастағы балалардан тұратын тізімді 260 мың адам толықтырып отыр.

«Бұл уақыт Сомали тұрғындары үшін ең ауыр кезең болды. Бұған себеп - аймақта 2011 жылы болған құрғақшылық қана емес, сонымен қатар, бірнеше жылға созылған елдегі қарулы қақтығыс. Билік үшін күресте үкімет әскері мен көтерілісшілер арасындағы шайқас 20 жыл бойына жалғасып келеді. Елдің кей аймақтарын өз бақылауында ұстаған ұйымдар батыс елдерінен қандай бір гуманитарлық көмек алуға тыйым салған. Ресми түрде Сомалиде ашаршылық өткен жылдың ақпанында хабарланды» деп жазады muftyat.kz сайты.