Соңғы 10 жылда елімізде сайлаушылар саны 565 789 адамға ұлғайды
АСТАНА. ҚазАқпарат - Соңғы 10 жылда елімізде сайлаушылар саны 565 789 адамға ұлғайды. Бұл туралы ҚР ОСК баспасөз қызметіне хабарлады.
Таратылған ақпаратқа қарағанда, Қазақстанда Президент сайлауына қатысушылар саны 1999 жылдан бері бірте-бірте ұлғайып келе жатқаны байқалады. Сол жылы елімізде 8 419 283 сайлаушы тіркелген. Ал 2005 жылы еліміздегі сайлаушылар саны 8 949 199 адамды құрады. 2011 жылы елімізде 9 200 298 сайлаушы болса, бүгінгі күні олардың саны 9 514 988 адамға жетіп отыр. Осылайша, соңғы 10 жылдың ішінде Қазақстандағы дауыс берушілер саны 565 789 адамға көбейді. Айта кетерлігі, 1991 жылғы Президент сайлауында елімізде 9 961 242 сайлаушы болған еді.
