Сот әкімдіктің емес, көпбалалы ананың құқын қорғады
АСТАНА. ҚазАқпарат - Астана әкімдігінің «Тұрғын үй қоры» коммуналдық мемлекеттік мекемесі сотқа А есімді әйелді басқа тұрғын үйсіз баспанасынан шығарып жіберу туралы арызбен жүгінді, деп хабарлайды ҚазАқпарат қалалық сотқа сілтеме жасап.
Сот шешімімен мәлімделген талаптар қанағаттандырусыз қалдырылды. Алайда, і с мекеменің шағымымен апелляциялық сатыдағы сотқа түсті.
«Істі алқа қараған кезде, пәтер А-ға тұрғын үйді жалдау (жалдау) шарты бойынша қызметтік тұрғын үй ретінде берілгенін және онымен жалдау шарты жыл сайын ұзартылатындығы анықтады.
Кейін, Тұрғын үй мәселелерін қарау жөніндегі комиссия А-ның басқа жұмысқа ауысуына байланысты оныммен қайта шарт жасудан бас тартқан, сол себепті А және онымен бірге пәтерде тұратын адамдар басқа тұрғын үй-жай берілмей шығарылады деп есептеген. Б ірінші сатыдағы сот А-мен қайта шарт жасасудан бас тартудың заңсыздығына назар аударды, өйткені ол бюджеттік ұйымға қатысты басқа ұйымға қызметке ауысқан. Бұдан басқа, А-ның асырауында кәмелетке толмаған бес баласы бар, олардың ең кішісі әлі бір жасқа толмаған. Сондай-ақ, А-ға көп балалы отбасы санаты бойынша арнайы мемлекеттік жәрдемақы тағайындалған», - деп жазды Астана қалалық соттан.
Көпбалалы отбасылар халықтың әлеуметтік осал топтарына жататынын ескере отырып, жалдау шарты қайта жасалуы тиіс.
Аталған негіздер бойынша апелляциялық алқа бірінші сатыдағы соттың қорытындыларымен келісіп, А-мен тұрғын үйді жалдау (жалға алу) шартын қайта жасасудан бас тартқан жағдайда шешімге шағымдану жолымен өзінің құқықтары мен заңды мүдделерін қорғау құқығын көрсете отырып, шешімді күшінде қалдырды.
