Сот Павлодар облысының экс-әкімі Е.Арынды қамауға алу туралы санкция шығарды
АСТАНА. ҚазАқпарат - Cот Павлодар облысының бұрынғы әкімі Ерлан Арынды 2 айға қамауға алу туралы санкция шығарды. Бұл туралы «ҚазАқпарат» агенттігіне Павлодар облыстық сотының баспасөз хатшысы Рауан Бейілғожин мәлім етті.
«Павлодар облыстық сотына кеше кешке материал келіп түсіп, сот аймақтың бұрынғы әкімін қамауға алу туралы санкция шығарды. Қамау мерзімі екі айға созылады», - деді ол.
Еске сала кетейік, 4 наурызда қаржы полициясының қызметкерлері Павлодар облысының бұрынғы басшысы Ерлан Арынға қатысты қылмыстық іс қозғаған болатын. Оған демеушiлерден аймақты абаттандыруға берiлген қаржыны жымқырды және iрi көлемде пара алды деген айып тағылды.
