Сотқа дейінгі өндірісте прокурорлардың араласуымен заңсыз ұсталған 1 мыңға жуық азамат босатылды

АСТАНА. 12 шілде. ҚазАқпарат - Бүгін Астанада өткен прокуратура органдарының бірінші жартыжылдықтағы жұмысының қорытындысына арналған алқа мәжілісте

ҚР Бас прокуроры Асхат Дауылбаев осы аралықта прокурорлардың араласуымен заңсыз ұсталған 1 мыңға жуық азамат босатылғанын мәлім етті.

«Сотқа дейінгі өндірісте прокурорлардың араласуымен заңсыз ұсталған 1 мыңға жуық азамат босатылды. 343 заңсыз жедел-іздестіру шаралары тоқтатылды»,-деді Бас прокурор.

Оның сөзіне қарағанда, арнайы прокурорлардың өндірісінде 250 қиын, резонансты және өзекті қылмыстық істер болып, оның 69-ы сотқа жіберілді.