Спорттық гимнастикадан Challenge Cup кезеңіне Қазақстан құрамасынан кімдер қатысады
АСТАНА. KAZINFORM – Халықаралық гимнастика федерациясы (World Gymnastics) Ташкентте (Өзбекстан) өтетін Challenge Cup кезеңіне қатысушылардың алдын ала тізімін жариялады.
Спорттық гимнастикадан Қазақстан құрамасының сапына мына спортшылар енді:
– Алтынхан Темірбек (еркін жаттығу, қол тіреп секіру, сақина, керме және ат снарядындағы жаттығулар);
– Әлішер Тойбазаров (еркін жаттығу, сақина және қоссырықтағы жаттығулар);
– Дияс Тойшыбек (ат снаряды мен кермедегі жаттығулар);
– Фарух Набиев (қол тіреп секіру және қоссырықтағы жаттығулар);
– Амина Халимарден (еркін жаттығу, қол тіреп секіру және әртүрлі биіктіктегі қоссырықтардағы жаттығулар);
– Дарья Ясинская (қол тіреп секіру, гимнастикалық бөрене және еркін жаттығу);
– Эвелина Ежова (әртүрлі биіктіктегі қоссырықтар мен гимнастикалық бөренедегі жаттығулар).
Айта кетейік, жарыс 21-24 мамыр аралығында өтеді.
Бұған дейін хабарлағанымыздай, қазақстандық гимнастар Варнадағы Challenge Cup кезеңінде үздік бестікке енді.
