Стамбұлда 600 жылдық Тәурәтті сатпақ болған сириялық ұсталды
АСТАНА. ҚазАқпарат - Стамбұлда Түркияның контрабандамен күрес бойынша басқармасының қызметкерлері бейсенбі күні, кешке иудалық қасиетті жазба - жасы 600 жылды құрайтын Тәурәтті сатпақ болған Сирия азаматын ұстады.
Өлшемдері 78x48 сантиметр кітап парақшалары кит терісінен жасалған. Сатушы сайттардың бірінде лотты саудаға қойып, кітап үшін $5 млн. сұраған. Басқарма қызметкерлерінің бірі онымен сатып алушы ретінде шамамен бір айдай хат алмасып, Тәурәттің суреті мен видеосын сұраған.
Тараптар келісімге келгеннен кейін, олар Сұлтанахмет ауданындағы қонақ үйлердің бірінде кездесті. Сол кезде сатушы қолға түсті, деп жазды life.ru.
Фото: Anadolu Ajansi
