Статистика агенттігінің төрағасы ведомство сайтындағы мәліметтердің қазақ тіліне толығымен аударылатынын айтты

АСТАНА. Сәуірдің 30-ы. ҚазАқпарат /Руслан Ғаббасов/ - Бүгін Астанада www.bnews.kz порталында болған он-лайн конференцияда ҚР Статистика агенттігінің төрағасы Әлихан Смайылов ведомствоның сайты жақын арада толығымен қазақ тіліне көшетінін айтты,

деп хабарлайды ҚазАқпарат.

«Статистика агенттігінің сайтындағы мәліметтер неге мемлекеттік тілге толық аударылмаған?»-деген сауалға Ә. Смайылов, «агенттіктің Интернет ресурстарындағы ақпараттар бүгінде 90 пайыз мемлекеттік тілде орналастырылған. Біз өзіміздің сайтты бұдан әрі жетілдірудеміз. Дегенмен де, мойындау керек, мемлекеттік тілге аударып үлгермеген мартериалдар бар»,-деп жауап қайтарды. Осы тұрғыда агенттік төрағасы жақын арада барлық материал мемлекеттік тілде жазылатынына уәде етті.