Странджа-2025: Қазақстан әйелдер құрамасы үздік үштікке ілінбей қалды

АСТАНА. KAZINFORM - Болгария астанасында бір аптаға созылған бокстан халықаралық «Странджа кубогы» өз мәресіне жетті. Аталған турнирде бокстан әйелдер қрамасы 1 алтын, 6 күміс, 8 қола (15) медальмен жалпы есепте 4-ші орынмен аяқтады.

Әйелдер құрамасынан финалға 7 боксшы шыққан болатын. Аса ауыр салмақта қос қазақстандық боксшы Дина Исламбекова мен Ләззат Күнгейбаева алтын жүлдені өзара сарапқа салды. Тек осы салмақта ғана Күнгейбаева чемпиондық атаққа қол жеткізді.

Ал өзге елдердің боксшыларымен бас жүлдені сарапқа салған барлық боксшыларымыз қарсыластарына жол беріп, күміс жүлдені қанағат тұтты.

Осылайша, кіші әлем чемпионаты аталып кеткен «Странджа кубогын» Қазақстан әйелдер құрамасы 1 алтын 6 күміс 8 қола медальмен жалпы есепте 4-орынмен аяқтады.

Командалық есепте 1-ші орынға Қытай құрамасы (3 алтын) ие болды. Екінші орыннан Болгария қыздар құрамасы (2 алтын, 1 күміс) көрінді. Үздік үшінші орынды қытайлық Тайпей қыздары (2 алтын) түйіндеді.

Қазақстан қоржынына түскен жалғыз алтын жүлдені +81 келіде Ләззат Күнгейбаева жеңіп алды.

Алтын медаль алғандар:

Ләззат Күнгейбаева

Күміс медаль алғандар:

48 келі. Әйгерім Сәттібаева

54 келі. Әнел Сақыш

57 келі. Айдана Забынбекова

60 келі. Римма Волосенко

81 келі. Жібек Жарасқызы

+ 81 келі. Дина Исламбекова

Қола медаль алғандар:

50 келі. Элянур Турганова

52 келі. Жансая Рахымберді

52 келі. Жазира Орақбаева

54 келі. Сымбат Әлиасқар

63 келі. Лаура Есенкелді

66 келі. Гаухар Шайбекова

70 келі. Азиза Исина

75 келі. Шұғыла Нәлібай.

Естеріңізге сала кетейік, осыған дейін аталған турнирде Қазақстан ерлер құрамасы жалпы есепте көш бастағанын жазған болатынбыз.