Страсбург орталығындағы атыстан қаза тапқандар саны артты
СТРАСБУРГ. ҚазАқпарат - Сейсенбі күні кешкілік Франциядағы Страсбург қаласының орталығында, рождестволық жәрмеңке маңына таяу жерде болған атыс салдарынан ажал құшқандар саны екі адамға жетті, деп хабарлайды «ҚазАқпарат» ХАА меншікті тілшісі.
Жаңартылған ресми ақпаратқа қарағанда, тап қазіргі уақытта 2 адам қаза тауып, 7 адам ауыр жараланған және төртеуі жеңіл жарақат алған.
Күдіктінің кім екендігі анықталды. Полиция қандықолды іздестіруде.
