Су-24 ұшқышының денесі Ресейге жеткізілді

АСТАНА. ҚазАқпарат - Түркия әскери әуе күштеріне тиесілі F-16C жойғыш ұшағы атып түсірген Ресейдің Су-24М бомбалаушы әскери ұшағы экипажының командирі, подполковник Олег Пешковтың денесі ресейге жеткізілді.

Мәскеу түбіндегі Чкалов әуежайында мәйітті алып келген ұшақты РФ ҚМ басшысы Сергей Шойгу мен Ресейдің әскери-ғарыш күштерінің бас қолбасшысы Виктор Бондарев қарсы алды.

Қаза тапқан соң Ресейдің батыры атағы берілген Олег Пешковқа құрмет қарауылы ротасы әскери құрмет көрсетті, деп жазады Би-би-си.

РФ ҚМ мәліметі бойынша, Олег Пешковтың денесі отбасы мүшелерінің өтініші бойынша Липецкте жерленеді.