Су-27 ұшағының апаты салдарынан «Русские витязи» тобының командирі Игорь Ткаченко қаза тапты
АСТАНА. Тамыздың 17-сі. ҚазАқпарат Мәскеу түбіндегі Жуковскийде апатқа ұшыраған Су-27 ұшағының бір ұшқышы қаза тапты. Мәскеу облысының құқық қорғау органдарынан хабарлағанындай, «Русские витязи» тобының командирі Игорь Ткаченко опат болды,
деп хабарлайды ИТАР-ТАСС агенттігі.
Ресей Президенті Дмитрий Медведев қайғылы қазаға байланысты Игорь Ткаченконың туған-туыстары мен жақындарына көңіл айтты. Бұл туралы Ресей Президентінің баспасөз қызметінен хабарлады.
«Русские витязи» пилотажды тобының екі Су-27 жоюшы ұшағының апаты кеше, тамыздың 16-сында «МАКС-2009» көрмесіне дайындық өтіп жатқан «Раменское» аэродромында орын алды. Бұл оқиға бойынша Жуковский әскери прокуратурасы тексеру жүргізуге кірісті.
