Су спортынан Азия чемпионаты: Су добынан жігіттеріміз қарсыласын жеңіп, қыздарымыз ұтылды
АСТАНА. KAZINFORM – Филиппиннің Нью-Кларк-Сити қаласында су спорты түрлерінен өтіп жатқан XI Азия чемпионатында бүгін Қазақстан құрамасы су добынан сынға түсті.
Нақтырақ айтсақ, су добынан ұлдар арасында Қазақстан жастар құрамасы топтық кезеңнің екінші ойынында Сингапур командасымен кездесіп, 16:9 есебімен жеңіске жетті.
Ал қыздар құрамасы екінші ойынында Жапонияға есе жіберді.
Жарыс қорытындысы:
Су добы. Ұлдар. Топтық кезең. 2-ойын
Қазақстан — Сингапур 16:9 (5:2, 5:3, 2:3, 4:1)
Қазақстан құрамасы голдарының авторлары:
Пантелеев — 5
Нұртаза, Грибов — 3
2 Белоусов -2
Құбайдолла, Сатберген, Балтабекұлы — 1
Қазақстан командасымен бірге В тобында Сингапур, Шри-Ланка, Иран және Малайзия құрамалары өзара мықтыны анықтап жатыр.
А тобында Қытай, Жапония, Өзбекстан, Сауд Арабиясы, Таиланд командалары бақ сынасуда.
Су добы. Қыздар. 2-ойын
Қазақстан — Жапония 16:26
Қазақстан құрамасы голдарының авторлары:
Дарина Сембек — 3
Яна Смолина, Анфиса Журавлева, Алина Озкая, Яна Мартынова, Ангелина Лемачко, Юлия Дружинина — 2
Ариадна Затыльникова -1
Чемпионатқа қатысып жатқан 7 команда (Қазақстан, Жапония, Таиланд, Өзбекстан, Сингапур, Шри-Ланка, Қытай) жеңімпаз бен жүлдегерлерді айналмалы жүйе бойынша анықтайды.
