Судьялар бір-бірінің сойылын соғады деген пікірмен келіспеймін - Қазақстан Судьялар одағының төрағасы
амыздың 13-і. ҚазАқпарат /Айдар Осаналиев/ - «Судьялар бір-бірінің сойылын соғып, бір-бірінің сөзін сөйлейді деген пікірмен келіспеймін» дейді Қазақстан Судьялар одағының төрағасы Владимир Борисов.
Ол бұл пікірін бүгін Астанада өткен «Сот билігі мен БАҚ» форумында білдірді.
В. Борисовтың халықаралық тәжірибеге негізделген мәліметтеріне қарағанда, Францияда соңғы 9 жылда небәрі 1 судья ғана қызметінен босатылса, Қазақстанда соңғы 5 жылдың өзінде 111 судьяны қызметінен босату туралы мәселе көтерілген. «Бұл - судьялар арасында ешқандай да сыбайластық жоқтығының көрінісі. Әрине, жекелеген бір оқиғалар кездесіп қалатын шығар. Жалпы алғанда судьялар бірі-бірі қолпаштайды деген дұрыс емес. Олардың әрқайсысының өзінің көзқарасы, талап-тілегі бар және бұл көзқарас ылғи да бір-бірімен сәйкес келе бермейді», деді төраға.
