Суданда алтын кенішінің опырылып құлауы салдарынан 60-тан астам адам қаза тапты

АСТАНА. 2 мамыр. ҚазАқпарат - Суданның Дарфур өңірінде алтын кенішінің опырылып құлауы салдарынан 60-тан астам адам қаза тапты. Ресейдің «Жаңалықтар» агенттігінің хабарлауынша, бұл жайында БАҚ өкілдеріне жергілікті билік өкілдері мәлім еткен.

Жарақат алғандар мен қирандылар астында қалған адамдар туралы ақпарат әзірше жоқ. Оқиғаның қалай орын алғандығы жайы нақтылану үстінде.