Суданда медресе ғимаратына найзағай түсті - 7 бала мерт болды

АСТАНА. Тамыздың 17-сі. ҚазАқпарат - Суданда медресе ғимаратына найзағай түсті, соның салдарынан 10 мен 13 жас аралығындағы 7 бала мерт болды, деп хабарлайды РБК.

Оқиға елдің батыс уәлаятындағы Дарфурддың оңтүстігіндегі Саргилла елді мекенінде орын алған. Медресе төбесі сабанмен жабылған екен.

Балалар найзағай соққысынан өлді ме, әлде содан кейін пайда болған өрттен мерт болды ма, бұл жағы әзірге анық емес.

Жергілікті билік өкілінің хабарлауынша, найзағай соққысынан тағы да 9 бала зардап шеккен. Мектепте барлығы 560 тәлім алушы болыпты.