Суданда шалбар киген журналист әйелдің ісі бойынша тыңдау болады
деп хабарлайды «РИА «Новости» агенттігіне сілтеме жасап.
Әл-Хұсейн ханымды полиция шілденің 3-інде Хартумдағы мейрамханалардың бірінде шалбармен жүрген тағы 12 әйелмен бірге ұстаған болатын.
Журналист Любна Ахмед әл-Хұсейн ханымды Суданның Қылмыстық кодексінің 152-ші бабы бойынша - қоғамдық орындағы ерсі әрекеті үшін және ерсі киінгені үшін - 250 судан фунты көлемінде (100 доллар) айыппұл және 40 дүре түрінде жаза күтіп тұр. Судандық «Ас-Сахафа» газеті үшін жазатын және БҰҰ-ның Судандағы ақпараттық бөлімінде қызмет ететін журналист келіншектің ісі үлкен жанжалға айналып отыр, себебі ол «барша әйел затын кемсітетін», адам құқығына қысым көрсететін Қылмыстық кодекстің осы бір бабының күшін жою үшін күреспек ниетін мәлім етті. Онымен қоймай, журналист тамыздың 4-інде өткен соттың бірінші мәжілісіне шалбар киіп келді. Оны қолдаған бірнеше жүздеген мың қыз-келіншек сот ғимаратына шалбар киіп келді. Полиция оларды қуып таратып, сот мәжілісі қыркүйек айына ауыстырылған болатын.