Сұлтан Заурбек кәсіпқой бокстағы 20-шы жеңісіне қол жеткізді

АСТАНА. KAZINFORM — Екінші орта салмақта жұдырықтасатын қазақстандық боксшы Сұлтан Заурбек (19-0, 13 КО) кәсіпқой мансабында 20-шы жекпе-жегінде жеңіске жетті.

кәсіпқой боксшы
Фото: Нұрғали Жұмағазы

Қазақстандық боксшы Астанада өтіп жатқан «Battle of the Brave» бокс кешінде шаршы алаңға шығып, Оңтүстік Африка елінің өкілі Азинга Фузилемен (18-2, 12 КО) қолғап түйістірді.

бокс
Фото: Нұрғали Жұмағазы

Боксшылар IBF Intercontinental тұжырымы бойынша екінші орта салмақтағы чемпиондық белдікті сарапқа салды.

10 раундтық жекпе-жектің қорытындысы бойынша отандасымыз қарсыласынан төрешілердің бір ауыз шешімімен басым түсті.

бокс
Фото: Нұрғали Жұмағазы

Осылайша, Сұлтан Заурбек кәсіпқой мансабындағы 20-шы айқасында жеңіске жетті.

боксшы
Фото: Kazinform

Еске салайық, бүгінгі кештің басты жекпе-жегінде ел тарихында алғаш рет IBF және WBO тұжырымы бойынша орта салмақтағы әлем чемпионы Жәнібек Әлімханұлы (16-0, 11 КО) өз белбеуін Франциядан келген үміткер Анауэль Нгамиссингеге (14-0, 9 КО) қарсы қорғайды. 

Осыған дейін хабарлағанымыздай, Сұлтан Заурбек болашақта танымал британиялық Matchroom Boxing промоутерлік компаниясымен келісімшарт жасасуы мүмкін

Соңғы жаңалықтар