Сұлы қауызы денсаулыққа зиянды болып шықты
АСТАНА. ҚазАқпарат - АҚШ-тың Айдахо университетінің ғалымдары жүгері, күріш, сұлы қауыздарынан жасалған құрғақ таңғы ас денсаулыққа зиян деген қорытындыға келді, деп жазады шетелдік БАҚ.
5 мыңнан астам ас түрлерін зерттей келе ғалымдар жоғарыда аталған таңғы ас түрлерінің құрамында охратоксин А болатындығын анықтаған. Бұны негізінен жабайы саңырауқұлақтардың құрамынан кездестіруге болады. Ол жануарлар ағзасында бүйрек обырын тудырады. Сондықтан бұны ДДСҰ қауіпті қоздырғыш қатарына жатқызған.
Бұл зат адам тұтынатын тағамның әр грамында 3 нанограмнан болғанда ғана қауіп төндірмейді екен. Ал сұлу қауызында бұл көрсеткіш шекті мөлшерден 8 пайыз жоғары болып отыр.
