«Сұңқардың» футболшылары ереуілдеуде

АСТАНА. 18 қазан. ҚазАқпарат - «Сұңқардың» ойыншылары жалақылары бойынша қарыздар өтелмейінше жаттығуға шығудан бас тартуда.

Кеше футболшылар клуб басшылығымен кездесуді талап етті. Өтініштері орындалмаған соң жаттығу өткізілмеді. Оның бастамашысы кім болғаны әзірше белгісіз, деп хабарлайды Vesti.kz.

Естеріңізге сала кетейік, қаскелендіктер премьер-лиганың турнирлік кестесінде соңғының алдындағы орында тұр және маусым қорытындысы бойынша жағдай өзгермесе олар екінші дивизионға жіберіледі.