Суперауыр салмақтағы қазақстандық нокаутшы рингке оралды
АСТАНА. ҚазАқпарат - Суперауыр салмақта өнер көрсететін 30 жастағы қазақстандық нокаутшы Жан Кособуцкий (7-0, 6 КО) бүгін, 29 қараша күні кәсіпқой бокстағы кезекті жекпе-жегін өткізеді, деп хабарлайды ҚазАқпарат Sports.kz сайтына сілтеме жасап.
Жекпе-жек Минскіде өтеді. Алты раундқа шақталған кездесуде жерлесімізге 28 жастағы жергілікті боксшы Александр Нехайчик (1-3) қарсы тұрмақ.
Кособуцкий бұған дейінгі соңғы кездесуін де Минскіде өткізген болатын. 17 қазанда ол украиналық Константин Довбыщенконы (3-2, 1 КО) ұпай санымен жеңді. Бұл, қазақстандық боксшының мерзімінен бұрын аяқтай алмаған алғашқы айқасы.
