Сыр бойында мүгедектер турнирі болып өтті

ҚЫЗЫЛОРДА. Маусымның 18-і. ҚазАқпарат (Руслан Игілік) - М.Мәметова атын­дағы Қызылорда гума­нитарлық колледжінде тірек-қимыл мүшелері зақымдалған мүгедектер арасында пауэрлифтинг пен армреслингтен турнир болып өтті. Оны Азаматтық альянс пен «Игілік» корпоративтік қоры ұйымдастырды.

Облысымызда «Жігер» қоғам­дық бірлестігі осындай игілікті істерді атқаруға ұйтқы болып келеді. Бірлестік мүшелерінің айтуынша, спорт арқылы мүмкіндігі шектеулі азаматтардың қоғамдағы өз орнын табуға мүмкіндігі зор.

Жарыс бірнеше салмақ дәрежесі бойынша өткізілді. Олардың ара­сында үздік көрсеткішке қол жет­кіз­ген спортшылар жеңімпаз атан­ды. Атап айтқанда, пауэр­лифтинг­тен жігіттер арасында Ерболат Әлімбетов (55 кг.), Айбек Әбжанов (65 кг.), Қайрат Құлжанов (75 кг.) пен Алексей Цой (85 кг.) өз салмақ­тарында чемпион атанды. Ал қыз­дар арасында Кабира Асқарова (52 кг.) мен Райля Қорғанбаеваға (60 кг.) тең келерлік ешкім болған жоқ.

Армреслингтен ерлер арасында Мұхтар Қамысбаев, Айбек Әбжан­ов, Алмат Манабаев, қыздар ара­сында Райля Қорғанбаев, Райхан Темірғазиева жүлдегерлер қата­рынан көрінді. Жеңімпаздарға бағалы сыйлықтар табыс етілді.