Сыр бойының кәсіпкер қыз-келіншектері бас қосты (ФОТО)
ҚЫЗЫЛОРДА. ҚазАқпарат - Қызылорда облыстық кәсіпкерлер палатасының алаңында аймақтың кәсіпкер қыз-келіншектерінің басын қосқан Іскер әйелдер кеңесінің отырысы өтті, деп хабарлады палатаның баспасөз қызметінен.
Палата директорының орынбасары Бақытжан Әбиев кеңестің маңыздылығына тоқтала отырып, қазіргі «экономиканың ерекше кезеңінде» бірлесе жұмыс жасауға шақырды.
Мұнан өзге, кеңес отырысында 2016 жылдың мақсат-міндеттері талқыланып, кеңес құрамы толықтырылды.
Айта кету керек, облыстық Іскер әйелдер кеңесінің төрайымы - аймаққа белгілі бизнес-жаттықтырушы, кәсіпкер Жанна Аманова.
Іскер әйелдер кеңесінің мақсат-міндетіне өз ісін жаңа бастаған қыз-келіншектерге қолдау көрсету, аймақтың іскер, әлеуметтік-белсенді әйелдерінің мәртебесін көтеру, қыз-келіншектердің кәсіпкерлік саласына қатысты бастамаларына қолдау көрсете отырып, экономикалық мүмкіндіктерін арттыру және тағы басқа қызметтер жатады.
