Сырдария өзенінде шомылу кезінде екі оқушы суға кетті
АСТАНА. 25 мамыр. ҚазАқпарат - Қызылордадағы Сырдария өзенінде екі оқушы батып кетті, деп хабарлады ҚР ТЖМ баспасөз қызметі.
«Сырдария өзенінде шомылу кезінде жеті және сегіз жастағы екі бала батып кетті», - делінген дерек көзі таратқан ақпаратта.
Батып кеткен балалардың денелері Қызылорда облыстық ТЖД судан құтқару қызметінің төрт адамы мен бір техникасының көмегімен жағаға шығарылды.
