Т.Күзембаев атындағы шахта қалыпты режимде жұмыс істеп жатыр

деп хабарлады Қарағанды облысы Төтенше жағдайлар департаментінің баспасөз қызметінен.

«Мамырдың 17-сі күні кешке шахтада бөлшектеудегі 42 К-10-3 лавасын оқшаулау жөніндегі жұмыстар аяқталды. Лава төңірегіндегі және шахтадағы газдың деңгейі санитарлық нормаға сәйкес. Сағат 20.00-дан бастап шахта қалыпты режимде жұмыс істеуде», - делінген төтенше жағдайлар департаментінің хабарламасында.

Естеріңізге сала кетейік, «АрселорМиттал Теміртау» АҚ Көмір департаментінің Т.Күзембаев атындағы шахтасында мамырдың 15-і күні 22 сағат 25 минутта 42 К-10-З бөлшектеудегі лаваның жоғарғы қыртысында 515-560 тереңдікте көміртегі тотығының концентрациясы көбейген. Осыған байланысты шахтадан 164 адам көшіріліп, кәсіпорынның жұмысы уақытша тоқтатылды. Қаза тапқандар мен зардап шеккендер жоқ.