Табысы ең жоғары үш музыкант белгілі болды
АСТАНА. ҚазАқпарат - «Billboard» журналы 2013 жылы ең жоғары табысқа кенелген музыканттардың рейтингін жариялады.
Осы басылымның бағалауына сүйенсек, ең қомақты табысқа ие болған әртіс ретінде 23 жасар кантри-әнші Тейлор Свифт атанды. Ол былтыр 40 млн. долларға жуық табыс тапқан. Екінші орынға бір жылда 32,9 млн. доллар табыспен кантри-музыканың тағы бір орындаушысы Кенни Чесни жайғасты. Үздік үштікке поп-әнші Джастин Тимберлейк еніп отыр, ол жыл ішінде 31,5 млн. долларды қанжығасына байлаған. «Billboard» басылымы жыл сайын құратын жоғары табысты музыканттар тізімі 40 позициядан тұрады. Оның басым бөлігіне американдық шоу-бизнестің өкілдері жайғасып отыр.
