Таэквондо: Тенді еске алып арнайы жейдемен шыққан Жаппаров жүлдегер атанды
АСТАНА. ҚазАқпарат - Оңтүстік Кореяның Джеджу қаласында өткен таэквондодан G2 санатындағы рейтингілік «Korea Open» турнирінде Руслан Жаппаров қола медаль жеңіп алды, деп хабарлайды ҚазАқпарат тілшісі.
ҚР Таэквондо федерациясы мәлім еткендей Руслан турнирде үш жекпе-жек өткізіп, үшеуінде де Оңтүстік Корея өкілдерімен кездескен.
Ол алғашқы екі қарсыласын 19:17 және 3:2 есебімен жеңді. Ал жартылай финалда 28:10 есебімен қарсыласына жол берді.
Руслан өз жеңісін Сочи Олимпиадасының жүлдегері, мәнерлеп сырғанаушы Денис Теннің рухына бағыштап, оны еске алу мақсатында арнайы жейде киіп шықты.
