Таеквондошы Нұрсұлтан Мамаев Универсиаданың төртінші медалін Қазақстан қоржынына салды
АСТАНА. ҚазАқпарат - Қазақстандық таеквондошы Нұрсұлтан Мамаев Кванжу қаласында (Корея Республикасы) өтіп жатқан жазғы Универсиадада 58 келі салмақ дәрежесінде чемпион атанды.
Бұл туралы Спорттық жекпе-жек және күш қолданылатын спорт түрлері конфедерациясының баспасөз қызметінен хабарлады.
Жерлесіміз алдымен Комораның спортшысын жеңіп, одан соң өзбекстандық Темірбек Уроловтан басым түсті. Ширек финалда Нұрсұлтан австралиялық Адриан Абелды 17:5 есебімен ұтып, ал жартылай финалда ирандық Джавад Амирисорхиді 17:16 есебімен сүріндірді.
Ақтық кездесуде қазақстандық бразилиялық мектебінің өкілі Ребеллу Брагансамен күш сынасты. Кездесу 2:0 есебімен қазақстандықтың пайдасына шешілді. Осылайша, таеквондодан Қазақстан құрамасының үздігі Нұрсұлтан Мамаев еліміздің қоржынына 2015 жылғы Универсиаданың төртінші "алтынын" салды.
