Таиландта А/H1N1 вирусын жұқтырған нәресте туылды
АСТАНА. Шілденің 28-і. ҚазАқпарат - Таиландта «доңыз тұмауы» вирусы жұққан нәрестенің туылу оқиғасы тіркелді. Бұл Таиландта тіркелген осындай алғашқы оқиға,
деп хабарлайды ҚазАқпарат Би-Би-Си телекомпаниясына сілтеме жасап.
Дәрігерлер тұмауды жұқтырған 24 жастағы келіншектің ішіндегі 7 айлық баласын операциямен алуға мәжбүр болған. Баланың жағдайы тұрақты деп бағалануда. Дәрігерлер, А/H1N1 вирусы балаға анасының жатырында жұққан деп пайымдап отыр.
Ал АҚШ-та осындай үш оқиғаның тіркелгенін айта кету керек.
