Таиландтағы теміржол апатында жеті адам мерт болды
АСТАНА. Қазанның 5-і. ҚазАқпарат - Таиландтағы теміржол апатында жеті адам мерт болды, 60-тан астам адам жарақат алды. Мерт болғандардың барлығы да әйел адамдар,
деп хабарлайды ҚазАқпарат Лента.ру сайтына сілтеме жасап.
Дүйсенбі күні жергілікті уақыт бойынша сағат 4:45-те Трангтан Бангкокқа кетіп бара жатқан №84 жолаушылар пойызы Хуа-Хин шипажайына жақын маңда рельстен шығып кеткен. 15 вагонның 5-еуі аударылған.
Оқиғаның себебі әзірге белгісіз. Апат орнындағы құтқарушылардың жұмыстарын нөсер жауын қиындата түсуде.
