Талдықорғанда екі адамды айуандықпен өлтірді деген күдікпен ер адам ұсталды

Жаңа жылдың алғашқы күндері Талдықорғандағы жер үйлердің бірінен айуандықпен өлтірілген екі адамның мүрдесі табылған болатын. Бүгін полиция осы қылмысқа күдіктіні ұстады, деп хабарлайды Kazinform.

Бұған дейін Талдықорғандағы жер үйден 72 жастағы зейнеткер мен оның 52 жастағы ұлының мүрдесі табылғанын жазған болатынбыз.

Қылмысты тергеу барысында жергілікті полиция екі адамды өлтіруі мүмкін деген күдікпен 1980 жылғы Балан Игорь Филаретович есімді азаматқа іздеу жариялаған.

Фото: Жетісу облыстық Полиция департаменті

Бүгін күдікті Талдықорған қаласындағы көпқабатты тұрғын үйлердің жертөлесінде тығылып жатқан жерінен ұсталды.