Талдықорғанда ер адам сүйіктісінің тамағын осып жіберген

Талдықорғанда сүйіктісіне шабуыл жасап, тамағын осып жіберген күдікті ер  адам ұсталды, деп хабарлайды Kazinform. 

Оның видеосы әлеуметтік желіде пайда болды. 

Тараған ақпаратқа сәйкес, оқиға 27 қазан күні қаладағы сұлулық салондарының бірінде болған. 28 жастағы қызға бұрынғы жігіті шабуыл жасаған.

Бейнежазбадан ер адамның қызды жерге құлатып, тұншықтырып жатқанын көруге болады. Осыдан кейін ол үстелден канцеляр пышағын алып, қызды бауыздамақ болды. Пышақпен бірнеше соққы жасағаннан кейін ол сыртқа шығып кетеді.

Белгілі болғандай, бұған дейін жігіт қызды жүйелі түрде ұрып-соғып келген. Жетісу облыстық Полиция департаментінің мәліметінше, 35 жастағы күдікті ұсталды.

«Қазіргі уақытта күдікті полицияға жеткізілді. Тергеуші істі «Адам өлтіруге оқталу» санатына ауыстыру туралы қаулы шығарды», - деп хабарлады ведомствоның баспасөз қызметінен.