Талдықорғанда тапаншамен жүрген ер адамға қатысты полиция түсінік берді

ТАЛДЫҚОРҒАН. ҚазАқпарат – Талдықорғанда көшеде тапанша ұстап жүрген науқас ер адамға қатысты видеоға полиция түсінік берді, деп хабарлайды ҚазАқпарат.

«Видеоны Талдықорғанда 13 қараша күні жолай өткен адамдар түсірген. Оқиға орнына шақырылған қалалық полиция қызметкерлері балалардың церебралды сал ауруына шалдыққан 18 жастағы жергілікті тұрғынды ұстады. Видеодағы қару – ойыншық тапанша.

Ұсталған ер адам жақындарына тапсырылып, оған анағұрлым мұқият қарау ескертілді», - деп хабарлады бүгін Рolisia.kz.

Фото: t.me/POLICE_of_KZ