Талдықорғандағы қоймада тұтанған өрт сөндірілді
ТАЛДЫҚОРҒАН. ҚазАқпарат - Талдықорғандағы шина қоймасында тұтанған өрт сөндірілді, деп хабарлайды ҚазАқпарат тілшісі.
ҚР ІІМ Төтенше жағдайлар министрлігі баспасөз қызметінің мәлімдеуінше, жалын 290 шаршы метр ауданды шарпыған. Өрт 10:00 шамасында тұтанып, 12:20-да сөндірілді. Ведомствоның хабарына қарағанда, қоймаға жапсарлас орналасқан тұрғын үйлерге зақым келмеген.
Өртті сөндіруге 25 қызметкер және 6 арнаулы техника жұмылдырылды. Коммуналдық қызметтер қосымша түрде үш су тасығыш техника бөлді.
