Талғардағы жасөспірімнің өлімі: күдіктілер Қонаевқа ауыстырылды
ҚОНАЕВ. KAZINFORM - Алматы облысының Полиция департаменті Талғар қаласында 16 жастағы жасөпірімнің өліміне қатысы бар күдіктілердің Қонаев қаласына жеткізілгенін хабарлады.
Полиция мәліметіне сәйкес, қылмыстық іс Талғар қаласынан Қонаевтағы облыстық тергеу басқармасына берілген.
- Қылмыстық іс облыстық тергеу басқармасына берілді, сондықтан күдіктілер Қонаев қалалық полиция басқармасының уақытша ұстау изоляторына жеткізілді, - деп хабарлады облыстық ПД баспасөз қызметі.
Еске салайық, бұған дейін 4 қазан күні Талғар қаласындағы төбелестен жасөспірім қайтыс болғанын жазғанбыз.
Одан кейін Талғар тұрғындары жасөспірім өліміне байланысты тергеудің ашық болуын талап етіп, наразылыққа шықты.
Сондай-ақ, жасөсіпірім қаза тапқан орынға тұрғындар гүл апарып жатқанын жаздық.
