Тамыз айында республикада азық-түлік тауарлардың бағасы 2008 жылдың осы кезімен салыстырғанда 4,7 пайызға өсті

АСТАНА. Қыркүйектің 1-і. ҚазАқпарат - 2009 жылғы тамыз айында азық-түлік тауарларының бағасы 2008 жылдың осы кезімен салыстырғанда 4,7 пайызға қымбаттады,

деп хабарлайды ҚазАқпарат ҚР Статистика агенттігіне сілтеме жасап.

Атап айтқанда, макарон өнімдерінің бағасы 3,2 пайызға, көкөністер мен жемістер - 4,3 пайызға, сүт өнімдері - 6,2, кондитерлік тағамдар - 8,7, тоқаш және ұн өнімдері - 11,8, алгокольді ішімдіктер - 13,5 және шай мен какао - 21,9 пайызға қымбаттады. Бағалардың төмендеуі жармаларға (0,6 пайыз), нан (2,7%), ұн (9,8%) және өсімдік майы бойынша (37,4%) тіркелді.

Ет және ет өнімдеріне бағаның өсімі 6,5 пайызды құрады. Шошқа еті - 15,6 пайызға, бұқтырылған ет құтылары - 14,2 пайызға, шұжық өнімдері - 10,2 пайызға, жылқы еті - 5,2 және қой еті - 1,3 пайызға қымбаттады, ал құс еті 0,8 пайызға арзандай түсті.