Тамызда экспорттық жеткізілімдерге бағаның жоғарылауы, олардың импорттық түсімдерге төмендеуі белгіленді
АСТАНА. 13 қазан. ҚазАқпарат - 2011 жылғы тамызда шілдемен салыстырғанда экспортталатын тауарларға баға 1 пайызға жоғарылап, импортталатын тауарларға 0,2 пайызға төмендеді, деп хабарлады ҚР Статистика агенттігінің баспасөз қызметінен.
Экспорттық жеткізілімдерге бір айда бағаның газ конденсатына - 8,7, қорғасынға - 8,5, мырышқа - 8,4, табиғи газға - 6,4, сұйытылған пропан-бутанға - 1,5, мұнайға - 1,1, мұнай өнімдеріне - 1 пайызға жоғарылауы, алюминийге - 11,2, ферроқорытпаларға - 2,6, мысқа 0,2 пайызға төмендеуі тіркелді. Баға мақтаға - 10,1, жүнге - 3,3 пайызға жоғары, бидайға 11,6 пайызға төмен болды.
Импорттық түсімдерден көкөністер - 6,1, құс еті - 5,8, аяқкиім - 2,3, күріш - 2 пайызға арзандады, өсімдік майы - 1,9, темекі - 1, дәрі-дәрмектер 0,3 пайызға қымбаттады.
