Таңғажайып ағашта 40 түрлі жеміс өседі
АСТАНА. ҚазАқпарат - АҚШ-тың Нью-Йорк қаласының суретшісі Сэм Ван Акен соңғы 5 жыл бойы әр түрлі жеміс бере алатын ағаш өсіру ісіне ден қойған.
Ол аналық ағашқа әр түрлі жеміс ағаштарының бұтақтарын қондырып көрген, деп жазады Kedem.
Нәтижесінде, суретші 40 түрлі жеміс беретін ағаш өсіріп шықты. Олардың ішіне шие, алхоры, өрік және шабдалының әр түрлі сұрыптары кіреді.
АҚШ-тың танымал жерлерінде - музей, парк және қорықтарда қазірдің өзінде 16 ағаш отырғызылып қойды. Көктемде олар ақ, күлгін, алқызыл түсті гүл жарады деп күтіліп отыр.
