Танымал баритон дауысты әнші Веналық операда «Риголеттоны» аяғына дейін орындай алмады
АСТАНА. ҚазАқпарат - Сенбі күні кешке Веналық мемлекеттік опера сахнасында Вердидің "Риголетто" операсының көптен күткен жаңа қойылымының премьерасында белгілі британдық баритон дауысты әнші Саймон Кинлисайдтың даусы шықпай қалып, операны аяғына дейін орындай алмады.
Оркестр ойнап тұрды, ал Кинлисайд шымылдық жабылғанға дейін бірнеше тактіні орындай алмады. Залда көрермендер қарсылық білдіріп, шу көтере бастады. Үшінші акті алдында Вена операсының бас директоры Доминик Мейер сахнаға шығып, спектакльді опера әншісі Паоло Руметц жалғастыратынын хабарлады.
"Риголеттоның" келесі қойылымы 23, 27 және 30 желтоқсанға, 2 қаңтарға белгіленген, бұдан соң маусымда тағы бір мәрте өтеді, деп хабарлайды РИА Новости.
