Танымал футболшы Криштиану Роналду өзінің ең үлкен қорқынышы жайлы айтып берді
АСТАНА. ҚазАқпарат - «Реал» ФК және Португалия құрамасының шабуылшысы 30 жасар Криштиану Роналду өзінің өмірдегі ең үлкен қорқынышы жайлы айтты, деп жазады Libero.
«Менің өмірдегі ең үлкен қорқынышым - ол жастай өлім құшу. Мен 80-90 жыл өмір сүруді қалаймын. Ал менің ең сүйікті ісіме келетін болсақ, әрине, ол - ұлыммен футбол ойнау. Күні бойы мен отбасыммен, достарыммен араласқанды ұнатамын. Әр таң сайын жаттығамын, одан соң үйге келіп өзіме ұнайтын істермен айналысамын», - дейді танымал футболшы өз өмірі жайлы сыр бөлісіп.
