Танымал қазақстандық шоумен Жаңа жылда сыйға алған кәмпиттен құрт шыққан
АСТАНА. ҚазАқпарат - Танымал қазақстандық шоумен әрi КВН жұлдызы Нұрдәулет Шертiмнiң Жаңа жылда сыйға алған кәмпитiнің ішінен құрт шықты. Ол бұл туралы Instagram-дағы парақшасында хабарлап, әлеуметтік желіге тапқан "олжасының" фотосын да салды.
"Кәмпитті абайлап жеңiздер, бұл Жаңа жылда сыйлық ретінде берілген тәттілердің арасынан шықты!!!", - деп жазады шоумен.
"Бiреулер антижарнама деп жатыр. Мынау суреттi басқа жағынан да түсiргенмiн, бұл шындық!!!", - дейдi тағы бiр фотосуретке қатысты жазған сөзiнде.
Фотоға қарап, оның "Рахат" АҚ кондитерлiк өнiмi екенiн байқауға болады.
