Танымал спортшылар есірткіге қарсы билбордтардың бет-бейнесіне айналды
АЛМАТЫ. ҚазАқпарат - Аралас жекпе-жек шебері Нұрсұлтан Орынбасаров пен 2016 жылы Алматы аруы атанған Камила Асилова «Біз есірткіге қарсымыз!» шарасына амбассадор ретінде қатысады, деп хабарлайды ҚазАқпарат тілшісі.
Бүгінде Алматыда есірткіге қарсы әлеуметтік келісімге шақыратын билбордтар көбейіп келеді.
Ақпараттық үгіт-насихат тақтасында белгілі спорт жұлдыздарының суреттері пайда болды.
«Бұл билборд күш пен рухты көрсетеді және сұлулық, денсаулық пен ақылдылықты бейнелейтін топ-модель бейнеленген. Біздің жастар өмірдің маңызды басымдықтарын есте сақтауы керек және біздің міндетіміз осыны еске салу. Біз - Қазақстан халқы есірткіге қарсы бірігуіміз керек», деп түйіндеді Алматы қалалық ПД Есірткі қылмыстарына қарсы күрес басқармасының бастығы Ерлан Алмағамбетов.
